SOCAR neft hasilatını 8%, təbii qaz hasilatını isə 7% artırıb

Bu ilin II rübündə Azərbaycan Dövlət Neft Şirkətinin (SOCAR) birbaşa istismar etdiyi yataqlarda 1,988 milyon ton neft, 1,955 milyard kubmetr təbii qaz hasil olunub.

Bu barədə SOCAR-ın açıqlamasında bildirilir.

Məlumata görə, bu, ötən ilin eyni dövrü ilə müqayisədə müvafiq olaraq 8 % və 7% çoxdur.

Ölkə üzrə ümumi qaz hasilatı ötən ilin müvafiq dövrünə nisbətdə 6,2% artaraq 9,953 milyard kubmetrə yaxınlaşıb. Bu dövr ərzində isə neft hasilatı isə 1,7 % azalaraq 8,421 milyon ton təşkil edib.