Manat əmanəti hansı banklarda daha sərfəlidir? – 2020
1 iyun 2020-ci il tarixindən etibarən milli valyutada olan qorunan əmanətlər üzrə illik faiz dərəcəsinin yuxarı həddini 12%, xarici valyutada isə 2,5% müəyyən olunması bəzi banklarda əmanət faizlərində dəyişikliyə səbəb olub. Dəyişiklik qeydə alınan bu banklarda (Muğanbank, Yelo (Nikoil) Bank, Bank BTB, Bank Respublika, Bank of Baku, Unibank) əmanət faizlərində 3-4 faizədək artım olub. Bu dəyişiklikdən sonra bankların iyun ayı üçün əmanət faizləri ilə daha ətraflı cədvəldən tanış ola bilərsiniz.
| № | Bank | Faizlər aylıq götürülərsə, illik % | Müddətin sonunda götürülərsə, illik % |
| 1 | Bank BTB Müddətli | 12 | 12 |
| 2 | TuranBank Sərvət | 12 | 12 |
| 3 | Muğanbank Meqa | 11 | 12 |
| 4 | Yelo (Nikoil) Bank Yelo | 11 | 11,5 |
| 5 | Bank Respublika Müddətli | 10 | 10,5 |
| 6 | AccessBank* Müddətli | 9,5+1 | 10+1 |
| 7 | Bank of Baku Dinamik | 9 | 9,5 |
| 8 | Unibank Müddətli | 9 | 10 |
| 9 | Ziraat Bank** | 9 | 10 |
| 10 | Rabitəbank*** Universal | 8,5/8 | 9/8,5 |
| 11 | Beynəlxalq Bank Klassik | 8 | 8,5 |
| 12 | Bank VTB**** Sərfəli | 7,05 | 7,5 |
| 13 | Bank Avrasiya Klassik | 7 | 8 |
| 14 | AFB Bank Əmanət | 6,5 | 7 |
| 15 | Azər Türk Bank Klassik | 6,5 | 7 |
| 16 | Expressbank Klassik | 6,5 | 7 |
| 17 | ASB Bank Əmanət | 6 | 7 |
| 18 | Kapital Bank Kapital | 6 | 6,5 |
| 19 | Xalq Bank Müddətli | 6 | – |
| 20 | Yapı Kredi Bank Dövrü qazanc | 5,75 | – |
| 21 | Bank Melli İran**** Əmanət | 5 | 6 |
| 22 | Premium Bank***** Premium | – | 8 |
| 23 | Günay Bank Müddətli | – | 6 |
| 24 | Naxçıvan Bank Müddətli | – | 4 |
* Müştəri əmanət yerləşdirdiyi andan etibarən əlavə 1% – dək bonus əldə edir. Kampaniya avqustun 31-dək qüvvədədir.
** Kampaniya 20.06.2020 tarixinədək qüvvədədir.
*** Əmanətin məbləği 50 000 AZN-dən çox olduqda aylıq və müddətin sonunda illik faiz dərəcəsi uyğun olaraq 7.55% və 8% hesablanır.
**** 30 000 AZN-dək illik faiz dərəcəsi 8,5% (müddətin sonunda 9%), 30 000 AZN-dən çox olduqda isə illik faiz dərəcəsi 8% (müddətin sonunda 8,5%) hesablanır.
***** Əmanətin minimum məbləği 5000 AZN-dir.
****** Premium Bankda əmanət yerləşdirmək üçün ilkin məbləğ 20000 AZN olmalıdır.
PAŞA Bankın müştəriləri üçün minimum əmanətin məbləği 20 000 AZN (regionlarda 15 000), digər müştərilər üçün isə bu hədd 30 000 AZN-dir (regionlarda 20 000). Faiz dərəcəsi isə əmanətin miqdarı, müddəti, faizlərin alınmasından asılı olaraq dəyişir.