Bakı-Quba-Rusiya ilə dövlət sərhədi avtomobil yolunda təmir davam edir
![](https://iqtisadchi.az/wp-content/uploads/2021/06/avtomobil-yolu.jpg)
Bakı – Quba – Rusiya ilə dövlət sərhədi avtomobil yolunun 16-cı kilometrindən (VAZ dairəsi) 30-cu kilometrinədək (Sumqayıt) olan 14 km hissəsində təmir-bərpa işlərinin 2-ci hissəsi davam etdirilir.
Bu barədə Azərbaycan Avtomobil Yolları Dövlət Agentliyindən bildirilib.
Məlumata görə, təmir-bərpa işlərinin 1-ci hissəsi üzrə magistralın 30-cu km-dən (Sumqayıt) 16-cı km-dək (VAZ dairəsi) olan hissəsində yenidənqurma işləri artıq bitib. Təmir-bərpa işləri zamanı yol örtüyünün aşınma qatı frezlənərək kənara daşınır, örtüyün deformasiyaya uğramış hissələri xüsusi texnika vasitəsi ilə sökülərək qaldırılır, yatağın yararsız qruntu qazılaraq çıxarılır, əks-dolğu işləri görülərək yol yatağı yenidən tikilir. Ardınca yeni yol əsası inşa edilir və hamarlayıcı lay asfalt-beton örtüyü döşənir. Bunun ardınca frezlənmiş və hamarlayıcı lay döşənmiş ərazilər iri və xırda dənəli olmaqla 2 laydan ibarət yeni asfalt-betonla örtülür. Artıq “VAZ dairəsi” deyilən ərazidən başlayaraq Ceyranbatan qəsəbəsi istiqamətində 4 km-lik hissədə qeyd olunan işlər görülərək yekunlaşdırılıb. Növbəti 1 km-lik hissədə isə sadalanan işlər davam etdirilir. Magistralın təmir-bərpa işləri aparılan 14 km-lik hissəsinin yol ayrıcında quraşdırılmış əyri xətli dəmir tirlər də sökülərək, beton arakəsmələrlə əvəzlənib.
Vətəndaşların rahat gediş-gəlişinin təmin olunması istiqamətində aparılan işlər zamanı avtonəqliyyat vasitələrinin hərəkəti hissə-hissə qismən məhdudlaşdırılır. Məhdudlaşma tətbiq edilən ərazilərdə hərəkət əks istiqamətdə ikitərəfli olaraq təmin olunur. Bu üzdən sürücülərdən aparılan işlərə anlayışla yanaşmaları və təmir-tikinti aparılan ərazilərdə quraşdırılan müvəqqəti nişanların tələblərinə riayət etmələri xahiş olunur. Tərtib olunmuş qrafikə uyğun olaraq işlərin vaxtında yekunlaşdırılması üçün əraziyə lazımi sayda qüvvə cəlb olunub.
![](https://static.report.az/photo/6b54b795-b257-3ca3-a8eb-3509b3617edf_290.jpg)
![](https://static.report.az/photo/4036bc3f-9f56-3200-aaf6-2c75bf42ef23_290.jpg)
![](https://static.report.az/photo/2e9afbc2-725d-3aa7-8ebe-aca22e50e5e3_290.jpg)
![](https://static.report.az/photo/6854b062-60fe-3799-ab50-4652a35da214_290.jpg)
![](https://static.report.az/photo/5be56735-0f2d-33af-9d5e-122d388b13c5_290.jpg)
![](https://static.report.az/photo/3c5a830d-a91c-3428-bfe2-e6ea4ac1f751_290.jpg)
![](https://static.report.az/photo/696e3b2b-3015-3cc0-82a1-d05d8b697d4d_290.jpg)
![](https://static.report.az/photo/626ef387-dedb-3e3a-ab1d-e372e34f8070_290.jpg)
![](https://static.report.az/photo/90b0b7f9-ba4d-3f14-b1d7-f9edcef33b86_290.jpg)
![](https://static.report.az/photo/056f10c7-544b-339c-94fa-7e93c1bea743_290.jpg)
![](https://static.report.az/photo/6fd88c4d-5336-35c4-97ff-61c6b7929dac_290.jpg)